Die etiologie van JOU geloof.
(Die oorsprong van JOU geloof)
deur Barry le Roux, Robertson, Januarie 2023.
DIE Etiologiese uitdaging - die hoe kom jy aan jou geloof uitdaging?
Etiologiese uitdagings kan jou 'n indirekte rede gee om oortuigings te hersien, maar slegs deur jou aandag te vestig op generiese oorwegings wat jy deurgaans in jou oordele sou kon neem.
Om te kan en moet glo, was en is nog steeds belangrik vir oorlewing. In die steentydperk was dit belangrik om vertel te word en te glo watter bessies om te eet of nie te eet. Die proses is die oordrag van eksplisiete kennis wat weer implisiet verkry was. Vandag word ons vertel en geleer, en word ons oortuig van baie meer dinge as destyds.
Maar hoe word daar geleer om te glo?
In die leer (onderwys) proses is daar ‘n bewuste intellektuele aktiwiteit (kognitiewe) betrokke, terwyl by indoktrinasie die proses is om 'n persoon in te skerp met idees, houdings,
Sommige onderskei indoktrinasie van leer (onderwys) op grond daarvan dat daar van die geïndoktrineerde persoon verwag word om NIE die leerstelling wat hulle geleer het te bevraagteken of krities te ondersoek nie.
Nog ‘n metode van leer is deur nabootsing.
Om ander te kopieer, in die breë, kan wissel van nie-bewustelike prosesse waardeur persepsie (om ander te sien wat besig is met 'n sekere gedrag) direk gekoppel word aan ons eie gedrag, tot bewuste strategieë, waar ons kies om na te boots omdat ons onseker is oor die beste optrede of omdat ons wil inpas. Implisiete kennis (tacit knowledge) word so verkry.
Almal se oortuigings het 'n spesifieke etiologie, dit wil sê 'n bepaalde oorsaaklike oorsprong. Meer volledig, etiologie is die studie van die oorsake, oorsprong of redes agter die manier waarop dinge is, of die manier waarop hulle funksioneer, of dit kan verwys na die oorsake self.
